Puno sa kahugyaw ug talento ang gipasiugda sa Davao Academy of Media Arts (DAMA) Santo Tomas pinaagi sa pinakaunang “The Greatest Show” Recital Concert nga gipahigayon niadtong Mayo 31, 2026 sa Dejesica Gym, Santo Tomas, Davao del Norte.

Pinaagi sa ilang talagsaong pasundayag sa musika, pagsayaw, ug uban pang porma sa artistry, gipakita sa mga performers ang ilang kahanas ug pagkamamugnaon isip mga Dabaonon nga adunay dakong potensyal sa natad sa sining ug kultura.

Ang maong kalihokan nagsilbing entablado alang sa mga talentadong Dabaonon aron mapalambo ug mapakita ang ilang mga talento, samtang naghatag usab kini og inspirasyon sa ubang kabatan-onan nga padayong tagaan og pagtagad ang ilang abilidad.

Gipaabot ni Mayor Roland S. Dejesica ang iyang dakong garbo ug pagpasalamat sa DAMA Academy tungod sa ilang padayong paningkamot sa pagpalambo sa mga talento sa lungsod.