Gipakita sa mga magtutungha gikan sa upat ka dibisyon ang ilang kadasig sa ika-5 nga ALSlympics (2026) nga gihimo sa DavNor gym niadtong Abril 18-19. Mga nagkadaiyang kompetisyon ang gihimo sama sa swimming, pingpong, mobile legend tournament, poster making, chess, badminton, ug uban pang padula. Ang kalihokan gipangunahan sa Provincial Sports, Youth, and Development Office (PSYDO) duyog sa Department of Education Region XI.

Gihimo usab ang seremonya agi'g pag-abli sa kompetisyon diin ang mga representante nila ni Governor Edwin I. Jubahib ug Vice Gov Clarice Jubahib, nagpadayag sa ilang mga mensaheng pagdasig sa mga magtutungha ubos sa Alternative Learning System. Si PSYDO Head Gulanes mapasalamaton sa pamunoan sa probinsya gumikan sa mainitong suporta sa ALS ug kalamposan sa matag ALSlympics.

Gipahibalo usab ni Board Member Helen Mae I. Discaya ang ₱500,000 nga pondo alang sa ALS sa probinsya. Kini ang unang ALSlympics sa rehiyon onse ug unang gipatuman sa Davao del Norte.

Dako usab ang panghinaot sa representante sa DepEd XI nga ang ALSlympics maapil sa nasyonal.

Writer: Lorna Tripoli
Photo: Charlie Verdijo & Mike Balila