Dul-an usa ka libo ka pamilya gikan sa Brgy. San Roque, New Corella ang nakabenipisyo sa Disaster Relief Operation sa pagpanguna sa Probinsiyal nga Panggamhanan sa Davao Del Norte
Sumala ni Provincial Social Welfare and Development Officer Rosalinda Rapista, mokabat sa 938 ka pamilya ang gihatagan og tag-10 kilos nga bugas gikan sa Office of Civil Defense pinaagi sa koordinasyon sa opisina ni Governor Edwin “Kuya Gob” Jubahib ug Vice Governor Clarice “Clang-Clang” Jubahib.
Gipasabot ni Rapista nga ang maong ayuda gitumong aron makatabang sa mga pamilyang naapektuhan sa shear line niadtong Pebrero 20, ilabi na sa pag-atubang sa ilang adlaw-adlaw nga panginahanglan.
Nagpasalamat usab ang mga benepisyaryo, nga bisan pa sa pagbaha sa ilang lugar, dako kaayo ang natabang sa 10 kilos nga bugas alang sa ilang mga pamilya.
Sulti ni VG Clarice, dili mahimong posible ang maong kalihokan kung wala ang paningkamot sa probinsiyal nga panggamhanan ug nagpasalig kini nga magpadayon ang paghatag og dugang nga tabang sa umaabot.
