Anaa sa Malaysia karon si Governor Edwin “Kuya Gob” Jubahib human ma-imbitahan sa State of Negeri Sembilan alang sa pagpalig-on sa relasyon ug pagpaabli sa nagkadaiyang oportunidad sa kolaborasyon tali sa duha ka lugar.

Matud sa gobernador, naglaum siya nga mas mapausbaw pa ang mga inisyatiba nga makasuporta sa kalamboan sa probinsiya, ilabi na sa natad sa pamatigayon ug pamuhunan.

Gihingusgan usab ni Jubahib ang iyang tinguha nga mapauswag ang kolaborasyon sa lokal nga pagdumala tali sa duha ka lugar pinaagi sa pinaghatagay og best practices ug technical learning nga labing makatabang sa mas epektibong pagdumala sa gobyerno.

Hingpit usab ang iyang pagpasalamat kay His Highness Dato’ Undang Jelebu, Dato’ Undang Johol, ug Dato’ Undang Rembau alang sa mainiton nga pagdawat kanila. Miuban usab sa pagbisita si IGACOS Mayor Lemuel “Toto” Reyes, mga PG Department Heads, lakip na iyang consultant ug kanhi Provincial Administrator Engr. Josie Jean Rabanoz.

Gipahayag pag usab sa gobernador ang iyang pasalig sa pagtukod og lig-on ug malungtarong kolaborasyon tali sa probinsiya sa Davao del Norte ug sa State of Negeri Sembilan, Malaysia.