Nagpalig-on ang Probinsyal nga Panggamhanan sa Davao del Norte sa pagkomitar sa mga empleyado sa pagpanerbisyo, pinaagi sa pagpailalom sa Core Value Foundation Seminar on Upholding Integrity, Excellent Service, and Demonstrating Commitment nga gipahigayon sa Bulwagan ng Karunungan, Provincial Capitol, Mankilam, Tagum City, niadtong Marso 24-25.

Gitambongan kini sa 50 ka mga empleyado gikan sa nagkalain-laing departamento sa kapitolyo ubos sa pagdumala sa Provincial Human Resources and Management Office (PHRMO) Kini nga lakang aron suportahan ang implementasyon sa Strategic Competency-Based Human Resource Development (HRD) Plan, Year 2 – Calendar Year 2026. Tumong niini nga mapalig-on ang mga batakang mithi sa serbisyong publiko.

Sulod sa duha ka adlaw nga seminar, naghatag og mga diskusyon ug pagbansay ang mga resource speaker gikan sa Civil Service Commission. Si Reilee Jill Renee Villanueva, Senior HR Specialist sa CSC Field Office, naghisgot sa topiko nga “Understanding and Appreciating Competency” ug “Upholding Integrity,”ug pagbatbat sa R.A. 6713 usa ka balaod sa ethical standards ug husto nga pamatasan sa mga opisyal ug empleyado sa gobyerno. Samtang si Mark Arvin Mendoza, Supervising HR Specialist sa CSC Regional Office XI, naghatag usab og dugang nga kahibalo ug giya sa mga partisipante bahin sa pagpalig-on sa propesyonalismo ug responsableng pagpanarbaho.

Pinaagi sa maong seminar, gilauman ni Provincial Governor Edwin I. Jubahib nga mas mapalambo pa sa mga empleyado ang kalidad sa ilang panerbisyo ug, sa mensahe sa gobernador nga gipaambit sa iyang representanti, nag-sulti nga tinuod nga paningkamot ug dedikasyon makita sa pagka "consistent", disiplina, ug gugma sa pag-alagad.