Padayon ang pag-apod-apod sa Probinsyal nga Panggamhanan sa Davao del Norte og tag 10-kilo nga bugas ngadto sa 710 ka pamilyang naapektuhan sa pagbaha tungod sa shearline sa mga lungsod sa Panabo, B.E. Dujali, ug Sto. Tomas karong adlawa, Abril 1, 2026.
Sumala kang Vice Governor Clarice Jubahib, padayon ang paningkamot sa probinsyal nga panggamhanan sa pagtabang sa mga apektadong pamilya, ilabi na panahon sa kalamidad ug krisis. Gipaabot usab niya ang paglaum nga magpadayon ang pagsalig sa katawhan ngadto sa ilang mga lider.
Gibutyag usab nga ang mga gipanghatag nga bugas gikan sa ₱77 milyon Rice Subsidy nga nakuha gikan sa nasyonal nga panggamhanan aron masuportahan ang panginahanglan sa mga naapektuhan, ubos sa pagpaningkamot ni Governor Edwin “Kuya Gov” Jubahib.
