Sa tumong nga mapalapdan ang kapasidad sa mga lider ug supervisors sa pagpanerbisyo, gilusad ang learning session alang sa implementasyon sa Strategic Competency-Based Human Resource Development Plan, Year 2 – Calendar Year 2026 sa Bulwagan ng Karunungan, Provincial Capitol, Tagum City gikan Mayo 12 hangtod 13.

Gipangunahan sa Provincial Human Resource Management Office (PHRMO), inubanan sa Civil Service Commission (CSC) Region XI nga nagtumong sa pagpalig-on sa leadership competencies alang sa mas episyenteng paghatag og serbisyo sa publiko.

Lakip sa gihisgutan ang pagrepaso sa behavioral indicators sa leadership ug management competencies sama sa strategic thinking, managing change, coaching for results, developing people, networking, ug collaboration.

Gipasiugda ni Governor Edwin “Kuya Gob” Jubahib pinaagi kang Private Secretary I Rey Cyril Alba ug Provincial Human Resource Management Office Department Head Edwin Palero nga girepresentahan ni PHRMO-HRDD Supervising Administrative Officer Dr. Michelle Claridad ang maong programa.

Naghatag og mga diskusyon ug pagbansay ang mga resource speaker sa pagpanguna ni CSC Regional Office XI Chief Human Resource Specialist Lourdes Amerkhan.

Gisundan kini ni CSC Regional Office XI Chief Human Resource Specialist Sheryl Yap maoy resource speaker sa ikaduhang adlaw sa maong learning session nga naghisgot sa nagkalain-laing proficiency levels ug kung giunsa kini mapakita sa aktuwal nga trabahoan.

Kini nga inisyatiba nagpalambo sa leadership competencies sa mga opisyales ug supervisors nga makatampo sa mas epektibong performance sa matag opisina ug makatabang sa pag-ila ug paghulma sa sunod nga henerasyon sa mga lider sulod sa organisasyon.