DavNor News Archive

Gipasiugdanhan sa Probinsyal nga Panggamhanan sa Davao del Norte ang National Filipino Family Week 2025 sa probinsya niaging Septyembre 26, pinaagi sa mga kalihokan nga nagpunting sa pagpalig-on sa relasyon ug responsibilidad sa pamilya.

Giorganisa kini sa Provincial Social Welfare and Development Office (PSWDO) uban sa Department of Social Welfare and Development (DSWD). Ang selebrasyon gisugdan sa usa ka Parent

Gisulti ni Provincial Governor Edwin "Kuya Gob" Jubahib nga iyang napatuman 100% ang tanang proyekto sa Davao del Norte gikan sa agrikultura hangtod sa imprastruktura. Gipahayag niya kini sa iyang mensahe sa katawhan atol sa OPLAN Kaagapay sa Kalinaw ug Kalamboan (OPLAN KKK) nga gipahigayon niadtong Septyembre 23 sa Igangon Gym, San Isidro.

Kahibaloan, nga nahimong nasudnong isyu ang mga proyekto nga gipatuman sa nasyonal tungod sa mga gidudahang ghost project sa ubang dapit.

Giduso ni Governor Edwin I. Jubahib ang pagmugna og Special Inspection Team aron imbestigahan ang dagkong national projects nga giimplementar sa Davao del Norte. Ang maong sugyot giaprubahan atol sa joint meeting sa Provincial Development Council (PDC) ug Provincial Peace and Order Council (PPOC) niadtong Septyembre 18 sa DavNor Gym.

Lakip sa imbestigahan ang giingong P516-M nga Tuganay Bridge sa Carmen, ang 15 ka mega projects sa probinsya, ug uban pang national

Nagdasok ang mga baryohanon sa Barangay Datu Balong, San Isidro aron makapahimulos sa libreng mga serbisyo nga gitunol sa Probinsyal nga Panggamhanan sa Davao del Norte ubos sa liderato ni Gobernador Edwin I. Jubahib pinaagi sa OPLAN Kaagapay sa Kalinaw ug Kalamboan (OPLAN KKK) niadtong Septyembre 19.

Lakip sa mga gipanghatag nga serbisyo mao ang medikal nga konsultasyon, libreng gupit, eye check-up ug libreng eyeglasses, ibot sa ngipon, x-ray sa baga, tambag legal, ug libreng

Sa ika-125 nga anibersaryo sa Philippine Civil Service, gipahigayon sa Probinsyal nga Panggamhanan sa Davao del Norte angEmployees Disaster Prevention Awareness DayugEnvironmental Awareness Dayaron ipakita nga ang mga kawani dili lang lingkod bayani sa serbisyo publiko, kundili frontline pud sa kaluwasan ug kinaiyahan.

Dungan nga gihimo saDavNor Gym, Mankilam, Tagum CitykaniadtongSeptyembre 19, ang selebrasyon sa panguna sa Provincial Human Resource and Management Office duyog

Luhaan ug puno sa pagpasalamat ang mga benepisyaryo sa Emergency Shelter Assistance human ilang nadawat ang pinansyal nga tabang gikan sa probinsya.

Gitunol ni Provincial Governor Edwin I. Jubahib, pinaagi sa iyang Chief of Staff nga si Jandil Romano, ang kinatibuk-ang P175,000 ngadto sa 28 ka mga benepisyaryo atol sa seremonya nga gihimo sa PGO Conference Room, Septyembre 22.

Usa sa mga nakadawat mao si Rivalyn Tibog, taga-Binansian, Asuncion, nga nasunogan ug walay

Nasuko si Provincial Governor Edwin “Kuya Gov” Jubahib sa pipila ka mga politiko nga nalambigit sa kontrobersiya sa korapsyon sa pondo sa flood control program sa nasudnong panggamhanan. Sa iyang pakigpulong sa katawhan atol sa gipahigayon nga OPLAN Kaagapay, Kalinaw ug Kalamboan (OPLAN KKK) sa Barangay Sawata, San Isidro niadtong Septiyembre 16, klaro niyang gipadayag ang iyang kapungot.

“Kung padayon nga ingon-ani nga kurakoton lang ang budget sa national government ug dili

Nagpasundayag og sistematikong proseso sa pagluwas ug pag-atiman sa mga biktima ang mga rescuers atol sa mass casualty simulation exercise nga gipahigayon sa Capitol Oval, Davao del Norte Sports and Tourism Complex sa Tagum City, niadtong Septiyembre 11.

Nipartisipar sa pagbansay ang Bureau of Fire Protection, Davao del Norte Provincial Police Office, City ug Provincial Disaster Risk Reduction and Management Offices (CDRRMOs/PDRRMO), mga health authorities gikan sa Kapalong,

Gimugna sa Probinsyal nga Panggamhanan sa Davao del Norte ubos sa liderato ni Governor Edwin I. Jubahib ang duha ka adlaw nga Livelihood Training on Food Cart Business alang sa mga empleyado sa kapitolyo. Gipahigayon kini niadtong Septyembre 9-10 sa DavNor Tech-Voc Center, Mankilam, Tagum City.

Ang maong pagbansay sa panginabuhian gidumala sa Provincial Administrator’s Office–Employment and Workforce Development Division (PADO-EWDD), pinangulohan ni Gloria Pamugas uban sa

Gipakusgan sa Probinsyal nga Panggamhanan sa Davao del Norte, ubos sa liderato ni Governor Edwin I. Jubahib, ang pagpangandam batok kalamidad ug ang kapasidad sa pagtubag sa panahon sa emerhensiya.

Gipahigayon ang usa ka Training of Trainers (TOT) alang sa Camp Coordination and Camp Management ug Internally Displaced Persons Protection (CCCM-IDPP) sulod sa lima ka adlaw, gikan Septyembre 1 hangtod 5, sa Cris Inn, Apokon Road, Tagum City.

Mitambong ang 54 ka partisipante nga

Nanawagan si Provincial Governor Edwin I. Jubahib sa mga benepisyaryo sa Kawsa sa Agrikultura ug Panginabuhian sa Barangay (KAAGAPAY) nga lig-onon ang ilang organisasyon ug magtinabangay aron mapalambo ang programa.

Gipadayag ni Gov. Jubahib ang iyang mensahe pinaagi sa KAAGAPAY Lead nga si Arnel Montero atol sa ikatulong hugna sa massive orientation nga gipahigayon sa Brgy. Capungagan Gym, Kapalong, niadtong Septiyembre 12.

Kapin sa 200 ka benepisyaryo gikan sa 35 ka

Giselebrar sa Bahay Pag-asa ang ika-11 anibersaryo niini pinaagi sa usa ka makalingaw nga Dinagyang Festival diin gipakita sa mga kabataan nga residente ang ilang talento ug abilidad. Ang kalihokan gipahigayon sa Multipurpose Evacuation Building and Covered Court niadtong Septyembre 1.

Sa maong selebrasyon, gipresentar usab sa Technical Education and Skills Development Authority (TESDA) ang 18 ka kabataan nga nakatapos sa National Certificate I (NC-I) alang sa Shielded Metal Arc

Gidagsa sa mga taga-Tagum ug silingang lugar ang World Café of Opportunities, usa ka job fair nga gipasiugdahan sa TESDA Region XI uban sa Tagum City Employment and Services Office ug TESDA Davao del Norte Field Office, nga gipahigayon sa Tagum City Atrium Hall niadtong Septyembre 3.

Pasado alas-4 sa hapon atol sa Tech-Voc Day nagpahitabo gilayon og press conference ang TESDA diin gikumpirma nga gikan sa 39 sa 2024, niabot sa 51 ang na-hire on the spot karong tuiga, nga sumala pa ni

Gitunol sa mga benepisyaryo sa KAAGAPAY Program ang libre nga life insurance card ug mga semilya sa tanom sama sa durian atol sa massive orientation para sa mga taga-Tagum City niadtong Septyembre 6 sa DNSTC Training Center, Mankilam, Tagum City.

Si KAAGAPAY Lead ug Executive Assistant to the Governor Arnel Montero maoy nagdumala sa aktibidad uban ni Technical Working Group Coordinator Alphabet Gulanes, representante ni Board Member Prospero "Popo" Estabillo, ug mga sinaligan sa

Gisaulog sa Women Development Center (WDC) ang ika-8 anibersaryo sa pagkatukod niini ubos sa tema nga “The Fire Within: 8 Years of Empowering Broken Souls from Silence to Strength, from Fear to Freedom.”

Gidumala sa Probinsyal nga Panggamhanan sa Davao del Norte pinaagi sa Provincial Social Welfare and Development Office (PSWDO) ang selebrasyon ug kini gipahigayon sa WDC Evacuation Center sa Purok 2, Poblacion, New Corella, niadtong Septyembre 4.

Gihatagan og sertipikasyon

Gipundok ang mga kababayen-an gikan sa 11 ka lokalidad sa Davao del Norte atol sa Provincial Rural Improvement Club (RIC) Achievement Day 2025 niadtong Septyembre 2, nga nagdala sa tema “Matatag na kababaihan, Kaagapay sa Maunlad na Kabuhayan sa Kanayunan.”

Gipasiugdahan sa Provincial Agriculturist Office ang kalihokan nga naglantaw sa kababayen-an dili lang isip “ilaw ng tahanan” apan aktibong pwersa sa agrikultura, panginabuhi, ug komunidad.

Sa mensahe ni

Gipakusgan sa Department of Health (DOH) Rehiyon XI ang ilang kampanya sa bakuna pinaagi sa School-Based Immunization (SBI) program ug komunidad, uban sa pakigtambayayong sa Provincial Health Office, mga LGUs ug Department of Education. Kini maoy gihisgotan sa panagtigom nga gipahigayon niadtong Agosto 29 sa Acacia Hall 1, Molave Hotel, Tagum City.

Tumong sa maong miting ang pagtubag sa kakulangon sa mga kabataan nga wala nabakunahan sa miaging tuig. Subay sa datus sa miaging

Balik na sa Sangguniang Panlalawigan si Board Member Ariel Macla isip Indigenous Peoples Mandatory Representative (IPMR) sa ikatulong termino. Kini tungod sa overwhelming endorsement gikan sa mga tribal leaders sa probinsya sa Davao del Norte.

Ang maong suporta gipamatud-an pinaagi sa Resolution No. 03, Series of 2025, nga gipresentar niadtong Agosto 28 sa VIP Clubhouse, DNSTC, Mankilam, Tagum City. Ang resolusyon napirmahan sa daghang IP leaders ug gi-validate sa National

Gipasidunggan ni Governor Edwin "Kuya Gov" Jubahib ang 60 ka mga trabahante sa Provincial Capitol pinaagi sa Gantimpala Agad Award niadtong Agosto 28, sa DavNor Techvoc Center, Provincial Capitol, Mankilam, Tagum City.

Gipasabot sa representante ni Provincial Human Resources and Management Officer Edwin Palero nga si Supervising Administrative Officer Michelle Claridad, nga ang pasidungog, sama sa sertipikasyon nga gilagdaan ni Gov. Jubahib, magamit isip basehan sa pag-uswag sa

Milampos ang 115 ka estudyante sa ika-6 nga Commencement Exercises sa Davao del Norte Learning Institute (DNLI) ug Davao del Norte State College (DNSC) nga gipahigayon niadtong Agosto 27 sa DNSTC DavNor Gym, Mankilam, Tagum City.

Ang seremonya alang sa Batch 2025 adunay tema nga “Kalamposan sa Pagtuon, Gugma sa Pagserbisyo” ug gitambongan sa mga graduates uban sa ilang ginikanan o guardian.

Sa mensahe ni Governor Edwin I. Jubahib nga gipaabot sa iyang representante nga si