Kabahin sa inisyatiba sa ikaduhang tuig sa pagpatuman sa Strategic Competency-Based HRD Plan sa probinsya, padayon nga gipasiugda ang Core Value Foundation Seminar on Upholding Integrity, Excellent Service, and Demonstrating Commitment sa mga empleyado sa Kapitolyo nga gipahigayon sa Bulwagan ng Karunungan, Provincial Capitol, Tagum City, niadtong Mayo 5-6.

Nahimong sentro sa diskusyon ang paghatag og bili sa integridad sa trabaho sa pagpanguna ni CSC Davao del Norte Senior HR Specialist Reilee Jill Renee M. Villanueva. Gisundan kini sa ikaduhang adlaw ni CSC Regional Office XI Supervising HR Specialist Mark Arvin S. Mendoza, diin iyang gihatagan og gibug-aton ang paghatag og ekselenteng serbisyo ug ang pagpakita og lig-on nga dedikasyon sa katungdanan.

Sa tumong nga mapalambo ang kalidad sa pagserbisyo sa mga kawani sa gobyerno ngadto sa katawhan, gisuportahan sa Probinsyal nga Panggamhanan ang kalihokan sa pagpangulo ni Governor Edwin I. Jubahib, diin gilauman nga mas mapalig-on pa ang pundasyon sa core values sa matag empleyado aron masiguro ang hapsay ug tinuoray nga pagpangalagad sa katawhan.