Giapod-apod sa Probinsyal nga Panggamhanan sa Davao del Norte pinaagi sa Disaster Relief Operation sa Provincial Social Welfare and Development Office ang tag 10-kilos nga bugas sa 2,431 ka pamilyang apektado sa pagbaha sa Barangay Pagsabangan, Tagum City karung adlawa, Marso 30.

Sulti ni Governor Edwin “Kuya Gob” Jubahib, padayon ang pagpaningkamot sa probinsya nga madungagan pa ang mahatag nga tabang sa matag pamilya nga nanginahanglan ug ang pagpangita og paagi nga masulbad ang problema sa pagbaha ilabi na sa Barangay Pagsabangan ug Asuncion.

Gipasabot sab ni Vice Governor Clarice Jubahib ang pagkab-ot sa ₱77 million rice subsidy gikan sa National nga Panggamhanan aron mahatag sa mga apektadong pamilya ilabi na panahon sa krisis.