Nahimong hapsay ang gihimong pag-take over sa Davao Light and Power Company (DLPC) sa mga distribution assets sa Northern Davao Electric Cooperative (NORDECO) sa Tagum City ug Asuncion karong adlawa, March 25, 2026.
Kini human nga walay pagsukol nga gipakita sa Nordeco sa pagpatuman sa Writ of Possession nga gi-isyu sa Regional Trial Court – Tagum Branch 2, nga nagtugot sa Davao Light aron sa pagdumala sa suplay sa kuryente sa dakbayan ug mga lungsod sa District 1.
Sakop sa mando sa korte ang takeover sa tulo ka substations sa Tagum City, usa sab ka substation sa lungsod sa Asuncion, ug lakip na ang NORDECO Office sa Purok Tipaz, Magugpo East, Tagum City.
Mapasalamaton ang DLPC sa dakong suporta ni Governor Edwin “Kuya Gob” Jubahib, mga local officials, mga sheriff, PNP ug sa uban pang stakeholders alang sa malinawon nga pagbalhin sa pagdumala sa mga pasilidad.
“Nahitabo ni because of the strong leadership sa atong mga leaders, headed by Kuya Gob…. Mapasalamaton mi, on behalf of Davao Light, for this coordination… niining hapsay nga pag-implement nato… walay resistance, walay risk nga moharang sa atoa if we work together para sa kaayuhan sa tanan,” sulti ni Engr. Enriczar T. Tia, ang President ug Chief Operating Officer (COO) sa Davao Light.
Ang lakang gihimo base sa Republic Act No. 12144, nga nagpalapad sa prangkisa sa Davao Light aron masakop ang Tagum City, Island Garden City of Samal (IGACOS) ug tanang mga lungsod sa District, apil ang tibuok probinsiya sa Davao de Oro.
Dakong pasalamat sab ni Kuya Gob sa tanang mitabang masugdan na sa DLPC ang operasyon niini sa dakbanan ug sa tibuok Distrito Uno, alang sa kasaligan, lig-on, episiyente nga power services, alang sa mas hayag ug mas malamboon nga kaugmaon sa mga katawhang Dabaonon.
“Sa atong mga stakeholders, thank you so much. Ug manghinaut ta kini nga kadaugan tuloy-tuloy ni aron sa kaayuhan sa katawhan sa probinsiya… Mas paspas nga progreso for the province of Davao del Norte,” sulti ni Kuya Gob.
Una nang na-take over sa Davao Light ang mga assets sa NORDECO sa Island Garden City of Samal niadtong Pebrero 25, 2026
