Aron mapalapdan ang access sa civil service examinations ug mapadali ang paghatag og serbisyo sa mga kawani sa gobyerno, gipahigayon karong adlawa ang Groundbreaking Ceremony alang sa Civil Service Commission (CSC) Field Office Building sulod sa Government Center, Mankilam, Tagum City.

Sa mensahe ni Governor Edwin “Kuya Gob” Jubahib nga gipaabot ni Vice Governor Clarice Jubahib, gipahayag nga ang maong pasilidad magpakusog sa serbisyo sa CSC. Kalabot niini, dili na kinahanglan moadto sa laing lugar ang mga mag-file ug magkuha og civil service examination, apil na ang mga ahensiya nga dunay transaksiyon sa maong opisina.

"With this facility mas mapadali ang proseso, mas mapalig-on ang atoang civil servants ug mas mapalad ang oportunidad alang sa atong mga katawhan nga gustong mosulod sa serbisyo publiko. Ang maong bulding dili lamang opisina Mahimo usab kini CSC Computer Examination Center. Dili na nila kinahanglan mobiya sa probinsya alang laman makakuha og civil service exam."

Samtang, dako usab ang pasalamat ni CSC Commissioner Atty. Ryan Alvin Acosta sa Provincial Government sa Davao del Norte sa ilang suporta sa CSC. Ilawom sa liderato ni Governor Jubahib, natuman ang saad nga matagaan og permanenteng building ang CSC, nga maghatag og mas paspas ug dekalidad nga serbisyo alang sa tanang katawhan.

"But we are very delighted that under the leadership of Kuya Gob we have personally experience na natupad ang pangako na bibigyan tayo ng CSC Field Office," sulti ni Acosta.

Ang planong building adunay 500 square meters nga lot area ug 192 square meters nga floor area.

Sumala ni Acting Provincial Engr. Edwin Misa, ang building idisenyo nga fully functional ug accessible alang sa publiko. Ang Phase 1 o skeleton stage sa maong proyekto gipundohan sa kantidad nga 7 milyon pesos ilawom sa 2023 General Appropriations Act (GAA) ug gilauman nga mahuman sulod sa 180 ka adlaw.

Samtang, 12 milyones ka pesos ang kinatibuk-ang kantidad aron makompleto ang proyekto.

Writer: Shairene Hernando