Misugyot si Governor Edwin "Kuya Gob" Jubahib ngadto sa nasyonal nga panggamhanan nga mangita'g alternatibong makuhaan og petrolyo, ilabi na kung magpadayon pa gyud ang tensyon sa Middle East.
Atol sa pakigpulong sa Department of Energy (DOE) pinaagi sa video conference, gihataga'g gibug-aton ni Kuya Gob ang maong sulosyon labaw na karon nga 32 hangtud 35 ka adlaw nalang ang nabilin nga reserba sa lana sa nasud, sumala sa DOE.
Ingun sa gobernador, importante kini aron mapanalipdan ang supply ug malikayan ang posibleng pagsira sa dagkong logistics companies sa Rehiyon XI nga mahimong hinungdan sa pagsamot sa krisis.
Gihangyo usab sa DOE ang mga Local Government Unit (LGU) nga palig-onon ang monitoring sa presyo sa gasolina sa ilang mga lugar ug maghatag dayon og report aron malikayan ang abuso ug panic buying.
