Gipangunahan ni Department of Education (DepEd) Secretary Juan Edgardo "Sonny" Angara ang inagurasyon sa Learning Continuity Spaces (LCS) model, nga gitagana aron masiguro nga dili maundang ang pag-eskwela sa mga bata panahon sa mga kalamidad, emerhensiya, o kon ginaayo ang mga eskuwelahan.

“The intention is to minimize the learning loss due to calamities,” sulti sa opisyal.

Ang LCS adunay duha ka klaseng model. Una, ang elevated type, nga nagkantidad og P1.7 milyon, ug ang grounded model nga nagkantidad og P1.5 milyon.

Mas barato kini kumpara sa ubang disenyo sa school buildings ug mahimong matukod sulod lamang sa duha ka semana, maong mas pabor kini sa mga hilit ug lisod maabot nga mga lugar.

Nalipay si Governor Edwin “Kuya Gob” Jubahib sa maong proyekto nga dakong tabang aron magpadayon ang pagtoon sa mga kabataan bisan pa sa panahon sa kalamidad.

“Ensuring uninterrupted education in emergencies is a testament to our commitment that every child’s right to learn should not be disrupted by disasters,” sulti ni kuya Gob.

Gipasalig usab sa gobernadora ang suporta sa probinsya sa maong proyekto aron mapaspasan ang implementasyon ug mahatagan og mas maayong learning environment ang mga estudyante.

Saysay ni Kuya Gob nga bisan pa sa kakulang sa pondo alang sa dugang school buildings, nagapangita gihapon siya og solusyon, ug gani nagpatukod siya og makeshift, kon temporaryong school buildings, ilabi na sa mga Geographically Isolated and Disadvantaged Areas (GIDA) sa probinsiya.