Aron masiguro nga ang tanang empleyado sa kapitolyo magpabiling himsog ug andam sa trabaho, gipahigayon sa Probinsya sa Davao del Norte ang Health and Wellness Activity isip kabahin sa Healthy Workplace Program nga nagsugod niadtong Abril 13 hangtud karong adlawa.

Ang maong programa adunay libreng health screening sama sa blood tests, urinalysis, ECG, chest X-ray, ug medical consultation. Ginatuyo kini aron mahibaloan daan ang mga posibleng ug mahatagan dayon og hustong pag-atiman.

Kini nga inisyatiba gipangulohan sa Provincial Human Resource Management Office (PHRMO) ug Provincial Health Office (PHO) uban sa Provincial Economic Enterprise Developmemt Office (PEEDO) District Hospitals, ubos sa liderato ni Governor Edwin I. Jubahib ug sa padayon nga suporta ni Vice Governor Clarice "Clang-Clang" Jubahib.

Sinugdanan pa lamang kini para sa mas daghang health programs sa umaabot.