Dakong kalipay sa mga tribal leaders sa Gupitan, Kapalong, Davao del Norte nga giapil sila pagbantay sa implementasyon sa farm-to-market road with bridge subproject sa Sitio Mangkay, ubos sa Mindanao Inclusive Agriculture Development Project (MIADP).

Si Datu Edgar Mantayona, ang giila nga federated chairman sa mga tribal chieftains sa Barangay Gupitan, nagpasalamat nga gilakip sila aron mahimong miyembro sa Community-Based Monitoring and Evaluation Team (CBMET) sa maong proyekto.

“Pasalamat mi kay apil man diay kami nga mga tribal leaders... Karon pa mi nakasinati nga mobantay sa pag-implemantar sa proyekto... nga duna mi’y kalambigitan sa pagtabang aron magmalampuson kini,” sulti sa datu, atol sa site visit sa mga consultants sa World Bank (WB).

Gipalig-on sa (MIADP) ang partisipasyon sa mga lider sa tribo ug mga miyembro sa IP communities pinaagi sa pag-apil kanila sa CBMET, diin naghatag kini kanila sa gahum aron sa pagdumala para masiguro ang kalidad ug “transparency” sa mga proyekto sa ilang ancestral domains.

Gibansay sila sa pag-subay, pagdokumento, ug pagreport sa mga proyektong lokal nga imprastraktura ug panginabuhian, ubos sa MIADP nga gipunduhan sa Word Bank.

Pormal nga gisugdan niadtong bulan sa Enero 2026 ang P135M proyektong pagsemento sa Sitio Kapatagan - Sitio Mangkay farm-to-market road, nga dunay katas-on nga 4.51km, lakip ang 60 metro nga tulay.

Ingon ni Indigenous Political Structure (IPS) Chairman Evangelio Warag, Sr. nga dakong tabang ang proyekto aron mapasayon ang paghatod sa ilang produkto sa merkado, ang pagdala sa ilang pasyente sa balay tambalanan, paghatud serbisyo sa tribo, ug labaw sa tanan sa pagpadaghan sa mga oportunidad alang sa tribo.

Si WB Environmental and Social Specialist Annabelle Vitti C. Valenzuela nagsulti nga kuntento sila sa pagsuporta sa gobyerno aron pagtabang sa mga IPs, ug wala sila nagkinahanglan sa balos sa tribo kanila.

“Binibigyan kami ng pasasalamat at ang sabi ng IPs is hindi nila kami kayang gantihan. Hindi yun ang layon namin. Ang layon ng World Bank is always support the government deliver its services to our Indigenous People. At sa amin ay malaking bagay na na we are part of this government effort to bring down this infrastructure services to our IP brothers and sisters,” sulti niya.

Si WB Infrastructure Specialist Engr. Raoul Azanza aminado nga apektado sa fuel crisis karon ang implementasyon sa mga MIADP subprojects, rason nga iyang giaghat ang mga contractors nga mangita’g paagi sa saktong pagdumala niini.