Usa ka residente sa Davao del Norte ang lakip sa mga nakadawat og Amnesty Certificate ug Amnesty Identification Card gikan sa National Amnesty Commission sa usa ka ceremonial issuance nga gipahigayon niadtong Marso 2 sa Limketkai Lux Hotel.

Ang maong benepisyaryo giila nga si alyas ‘Sarah’, ang pinaka-unang nakadawat og amnesty gikan sa probinsiya ug usa sa dise-sais (16) ka “Friends Rescued” nga naaprobahan ni Presidente Ferdinand Marcos, Jr.

Gipangunahan ni National Amnesty Commission Chair Atty. Leah Tanodra Armamento uban ang mga komisyoner nga sila Atty. Jamar Kulayan ug Atty. Ser-me Ayuyao ang maong kalihokan.

Mitambong usab sa maong seremonya si Provincial Administrator, Atty. Ralph P. Dela Cruz, LT COL PA (Ret.), isip representante ni Governor Edwin I. Jubahib.

Sumala sa National Amnesty Commission, ang paghatag og amnestiya kabahin sa programa sa gobyerno aron mahatagan og oportunidad ang mga kwalipikadong aplikante nga makabalik sa bagang hut-ong sa katilingban.