Gilunsad na sa Probinsyal nga Panggamhanan sa Davao del Norte angOnline Payment Systemalang sa Real Property Tax (RPT) pinaagi saEnhanced Tax Revenue Assessment and Collection System (ETRACS). Usa kini ka inisyatiba nga naghatag og mas paspas, mas sayon, ug mas komportableng pamaagi sa pagbayad sa buhis.
Pinaagi sa bag-ong sistema, ang mga taxpayers sa Davao del Norte dili na kinahanglan molinya o moadto pa sa kapitolyo o sa ilang tagsa-tagsa ka munisipyo aron mobayad. Gamit lang ang ilang cellphone o computer nga konektado sa internet, pwede na silang makabayad bisan pa gikan sa ilang panimalay o opisina.
Sumala niProvincial Treasurer Evelyn G. Espra, kini nga proyekto usa ka dakong lakang padulong saEase of Doing Businessug sa tumong nga ma-digitalize ang mga serbisyo sa kapitolyo.
“Today we launched the online payment system of the Province of Davao del Norte in compliance with the Ease of Doing Business... Dili na kinahanglan nga moadto sa opisina ang mga kliyente. This is our way of embracing digitalization,” matod pa ni Espra.
Sa pagkakaron, ang sistema modawat pa lang og bayad saReal Property Tax, apan nagplano ang kapitolyo nga iapil na ang ubangfees and chargessa umaabot nga tuig.
“Our goal is that by next year, all fees and charges imposed in our province will be paid through online na siya,”
dugang pa ni Espra.
SiBoard Member Flopone Royle A. Catalan, nga maoy awtor saProvincial Ordinance No. 2023-022, nipasabot nga ang balaod nagtumong sa pagpaduol sa serbisyo sa katawhan pinaagi sa teknolohiya.
“Gusto nato nga ang gobyerno maoy moduol sa katawhan, dili ang katawhan maoy moadto sa gobyerno. Halos tanan karon kabalo na sa online transactions. So, why not use technology to make government services closer and more efficient?” matod ni Catalan.
Iyang gipakita usab ang dako nga benepisyo sa mga residente sa layo nga lugar sama sa Talaingod ug Samal.
“Imaginon nimo, taga-Samal o taga-Talaingod, kinahanglan pa moanhi sa Kapitolyo para mobayad. Pero karon, pwede na sila makabayad gamit lang ilang cellphone ug internet connection,” iyang ingon.
Proud usab nga gipahayag ni Catalan nga ang Davao del Norte maoyunang probinsya sa Davao Regionnga nagpatuman og online payment system alang sa Real Property Tax.
“We are pioneer on this… basin matagaan ni’g pag-ila sa nasyonal nga panggamhanan, being the first in the region nga adunay ing-ani nga sistema,” iyang gipasabot.
Nagpakita sa ilang suporta sa launching ang mga key partners ug mga opisyal sa kapitolyo, lakip na siWaldy Floressa Rameses Systems, Inc.,Maria Elizabeth F. Tejanosa Land Bank of the Philippines–Capitol Branch,Alvafaye Frances C. Valles-Canlassa G-Xchange, Inc. para sa GCash, ug ang mga labaw sa mga opisina sa provincial assessor, budget, accounting, ug PENRO, ug ang mga treasurer’s offices sa tanang mga LGUs.
Sa pagbayad, ablihi lang ang opisyal nga website sa Davao del Norte, dayon i-klik angePayment tab, ug dali ra kaayo ang proseso. Pwede mobayad gamit ang GCash o kaha Land Bank of the Philippines nga account.
Ang Online Payment System dili lang simpleng update sa pamaagi sa pagbayad. Kini usa ka simbolo sa padayon nga digital transformation sa probinsya — usa ka panaw padulong sa mas episyente, transparent, ugsmart governancesubay sa development agenda ni Governor Edwin Jubahib labi na sa Access to Financial Services and Financial Inclusion ug Multi Modal Utility Network.
Writer: Jun Rey VillanuevaPhotographer: Andrew John Hababag
