Gisupresa sa Philippine Drug Enforcement Agency (PDEA) Region XI, Provincial Anti-Drug Abuse Council (PADAC), Land Transportation Franchising and Regulatory Board (LTFRB) Region XI, ug mga kapulisan ang mga drayber ug konduktor sa mga bus, jeep, ug van nga nagturno sa Tagum City Overland Transportation Integrated Terminal (TOTIT) niadtong Oktubre 28.
Matod ni LTO XI Regional Director Atty. Ernesto Raphael Robillo, sayo pa sa buntag ubay-ubay na ka mga drayber ug konduktor ang gipailalom sa drug test. Gipasabot niya nga gihimo nila kini aron malikayan ang mga aksidente. Gidugang ni Robillo nga giinspeksyon usab sa ilang grupo ang mga ligid, preno, ug uban pang bahin sa mga sakyanan aron masiguro ang kahimtang niini sa dalan.
“Let’s say bus o van na makita natin na hindi roadworthy, iho-hold natin ‘yan. Hindi natin ‘yan papayagang bumiyahe. Pangalawa, bibigyan natin ng notice ang kani-kaniyang operator sa pamamagitan ng LTFRB, dahil nga hindi safe sa kanilang kapabayaan kung meron man,”ingon ni Robillo.
Sa laing bahin, gibutyag ni PDEA XI Regional Director III Edgar T. Jubay sa pakighinabi sa PTV News Team nga ang tanan nga magpositibo sa ilegal nga droga ipadala dayon sa rehabilitasyon.
“Ang pinaka-main purpose nito is to protect our riding public because there were records before na ‘yong mga accident is related to drug using. So, kawawa naman ‘yong pasahero natin dahil ‘yong driver gumagamit, naaaksidente. Sila talaga ‘yong masasakripisyo. So, this time we’ll make it sure na safety ang riding public sa pamamagitan ng pag-undergo ng drug test sa ating mga driver... and just in case na mayroong magpa-positive kinakailangan na meron tayong intervention na gagawin,”sulti ni Jubay.
Samtang, gipahimangno usab ni Atty. Robillo ang tanang operator ug drayber nga tumanon ang mga lagda sa kaluwasan sa kalsada ug magpabilin nga disiplinado sa pagpadagan. Iyang giingon nga buot nilang masiguro ang kaluwasan, kasiguruhan, ug kaharuhay sa tanang pasahero, ilabi na sa pagsaulog sa Undas 2025.
“Dapat tandaan natin na sundin ang mga batas-trapiko at pangalagaan ang ating mga sarili. Siguraduhin natin na ang mga sasakyan na ating minamaneho ay roadworthy, i-check natin ang mga gulong, preno, etc., maging pampubliko man o pribadong sasakyan. Lagi rin nating tandaan na hindi dapat magmadali, dahil sa huli, makakarating din tayo sa ating destinasyon,”matud ni Robillo.
Writer/Photos: Lorna Tripoli
