Kapin sa 500 ka delegado gikan sa nagkalain-laing probinsya sa Rehiyon XI ang mitambong sa ika-9 nga Council of Human Resource Management Practitioners (CHRMP) Regional Conference nga gipahigayon sa DavNor Gym, DNSTC, Mankilam, Tagum City, Oktubre 23-24. Ang PLGU Davao del Norte ang nagdumala sa maong kalihokan ubos sa tema nga “CHRMP XI: Transforming Together Through Innovation and Collaboration.”
Si Regional Director Evamay Dela Rosa sa Department of Information, Communications and Technology (DICT) XI mihatag sa iyang presentasyon isip usa sa mga resource speaker. Gidani niya ang mga human resource offices nga gamiton ang nagkadaiyang Artificial Intelligence (AI) powered tools aron pauswagon ang efficiency, kapaspason, ug katukma sa ilang serbisyo. Gipasabot usab ni Dir. Dela Rosa nga pinaagi sa paggamit sa AI, mapadali ang trabaho ug malikayan ang pag-usik sa oras.
Mihatag usab og mensahe sila si Civila Service Commission (CSC) Regional XI Director Cyril Nathan Eamiguel, ug Governor Edwin I. Jubahib nga girepresentahan ni Provincial Administrator Atty. Ralph Dela Cruz ug uban pang mamumulong.
“May this occasion inspire us all to continue transforming a work place into spaces of integrity, inclusivity and innovation. Let us remain steadfast in our shared pursuit of public service excellence, leading with empathy, managing with purpose and serving with heart,”ingon ni Eamiguel.
Sa ikaduhang adlaw sa conference, gipasidunggan sa CSC Region XI ang pipila ka mga ahensya ug PLGUs tungod sa ilang kalampusan sa Prime-HRM Maturity Level II. Gihatagan sila og certificate of recognition ug bronze award isip pag-ila sa ilang mga paningkamot. Gihisgutan usab ni Ms. Milalin Javellana, usa sa mga resource speakers gikan sa CSC, ang mga isyu ug inisyatibo nga may kalabotan sa human resource management transformation.
Gipangandaman sa probinsya ang maong kalihokan pinaagi sa koordinasyon sa Provincial Disaster Risk Reduction and Management Office (PDRRMO) ug Provincial Health Office (PHO) aron masiguro nga luwas ug himsog ang mga partisipante sa tibuok panagtigom.
Writer: Lorna TripoliPhotographer: Andrew John Hababag
