Milampos ang 115 ka estudyante sa ika-6 nga Commencement Exercises sa Davao del Norte Learning Institute (DNLI) ug Davao del Norte State College (DNSC) nga gipahigayon niadtong Agosto 27 sa DNSTC DavNor Gym, Mankilam, Tagum City.
Ang seremonya alang sa Batch 2025 adunay tema nga “Kalamposan sa Pagtuon, Gugma sa Pagserbisyo” ug gitambongan sa mga graduates uban sa ilang ginikanan o guardian.
Sa mensahe ni Governor Edwin I. Jubahib nga gipaabot sa iyang representante nga si Executive Assistant IV Chary Jubahib, gipadayag niini ang hugot nga suporta sa probinsyal nga panggamhanan alang sa paglambo sa edukasyon, ilabi na sa mga kawani sa gobyerno aron mahimong mas kasaligan ug produktibo sa serbisyo publiko.
“Under our KUYA GOB NG MASA development agenda, we continue to strengthen the sector to prepare the future of our youth, while we nurture the career growth of our civil servants,” ingon ni EA Jubahib.
Si Civil Service Commission (CSC) Regional Office XI Director IV Cyril-Nathan Eamiguel, nga mao ang dinapit nga mamumulong, nag-awhag sa mga graduates nga moserbisyo uban sa gugma ug dedikasyon. Iyang giawhag usab ang publiko sa pag-ampo ug pagsuporta sa kandidatura sa DNSC-DNLI Management Team alang sa Gawad Pag-Asa Award ubos sa CSC Honor Awards Program.
“This is where gugma sa pagserbisyo—or love in service—comes in. Love that is truly turned into devotion transforms ordinary acts of service into extraordinary moments. The impact is evident whether we become teachers, lawyers, doctors, engineers, farmers, or artists. If we serve with love, we change lives. Knowledge is a gift, but its true value is found in how we use it. What is the worth of our education if it does not benefit others? What is the purpose of our success if it ends with ourselves, matud ni Eamiguel.
Si Dr. Girley S. Gumanao, Vice President for Academic Affairs sa DNSC, nga mirepresentar kang DNSC President Dr. Joy M. Sorrosa, nagpahayag usab og mensahe sa pagdasig alang sa mga graduates.
Writer: Lorna TripoliPhotos: Andrew John Hababag
