Gipasantop ngadto sa mga quarry operators ang panawagan sa probinsyal nga panggamhanan nga magpabiling patas ang pagtan-aw sa kinaiyahan ug kalamboan sa industriya. Atol kini sa Annual Quarry Operators Meeting sa Davao del Norte, Hulyo 23, sa Capitol Pavilion, Mankilam, Tagum City.
Sa panguna sa Provincial Environment and Natural Resources Office (PENRO) ug Provincial Treasurer’s Office, ang tigom nagtamod sa tema nga“Sustainable Quarrying: Maximizing Resource Utilization through Sustainable Practices, Enhancing Competitiveness, and Market Opportunities.”
Matod ni PENRO OIC-Department Head Nelson Plata, usa ka tinguha sa forum mao ang pagpahinumdom sa mga operators sa ilang katungdanan ug responsibilidad sa pagpanalipod sa kinaiyahan bisan pa sa kalamboan sa negosyo.
“By discussing updated guidelines, innovative methods, and environmentally sound technologies, we aim to equip all permit holders and other stakeholders with the knowledge and tools that extract resources efficiently while minimizing ecological and environmental impact,” sulti ni Plata.
Gipahinumdoman usab ang mga quarry operators kabahin sa mga hugot nga balaod ug mga regulasyon nga angay nilang sundon, lakip na ang Provincial Tax Ordinance No. 2023-002 ug ang mga lagda ubos sa Philippine Mining Act of 1995.
Sa presentasyon ni Engr. Christer Glenn Dequitos, Acting MGD Head sa PENRO, gipasabot niya ang mga deadlines sa pagproseso sa permit application ug renewal aron malikayan ang kakulang sa papeles nga kasagarang hinungdan sa penalty.
Lakip sa iyang gipresentar ang mga kasamtangang kalihokan sa PENRO sa pag-atiman sa quarry sites sama sa pagtuon sa carrying capacity sa mga sapa sa probinsya. Sumala niya, natapos na ang comprehensive study sa Libuganon ug Kipaliko Rivers samtang nagpadayon ang sa Tuganay, Lasang, ug Hijo.
“Ang importance niini nga studies to know kung pila na lang gyud pud ang nabilin nga resources sa kiini nga stretch. And for the coming years, ma-sustain ba siya, kanang naa man tay ginatawag og replenishment rate,” matud ni Engr. Dequitos.
Gipahibalo usab ang pagpasa sa Provincial Mining Regulatory Board Resolution No. 5 series of 2025, ang pag-revoke sa quarry permits nga duha ka tuig nang walay extraction. Matud pa,nagkinahanglan man pud daw ang gobyerno og income gikan niini nga mga resources.
Subay sa datus nga gitaho ni May Anne M. Oclarit, Local Revenue Collection Officer VI sa PTO, mikunhod og 10% ang koleksyon sa probinsya gikan sa quarry share, ₱2,447,315.76 (June 2024) nahimo na lang ₱2,211,490.45 (June 2025). Gitutokan kini nga datos isip timailhan sa panginahanglan nga mas palapdan ang merkado ug palig-onon ang compliance sa mga operator.
Gisugyot usab ang oras sa operasyon gikan alas-6 sa buntag hangtod alas-6 sa gabie lang aron dili makadisturbo sa komunidad.
Lakip sa kalihokan ang pagpaambit sa mga best practices sa mga kompanya sama saNorth Davao Permittee and Quarry Association, HELIX Mining and Development Corporation, ugJINYI Import and Export Trading Co., Inc.
Duna puyopen forum, ug awarding sa top revenue contributors. Gisugyot sab ang mga lakang paingon sa 2026 sama sa fair market valuation studysa mga quarry resources, ang partnership sa LTO aron masulbad ang mga hauling issues, ug paghimo og klarong guidelines para sa Provincial Tax Ordinance karong tuiga.
Writer: Jun Rey Villanueva
