Gipasidunggan sa Davao del Norte Hospital – Kapalong Zone ang mga liaison officers gikan sa mga lokal nga panggamhanan sa Santo Tomas, San Isidro, Asuncion, New Corella, ug Kapalong tungod sa ilang tinud-anay nga serbisyo ug dedikasyon sa pag-atiman sa mga pasyente.
Gitunol kanila angplaque of appreciationatol sa panapos nga selebrasyon sa Hospital Week, Agosto 12, sa 3rd Floor Conference Hall sa ospital. Ang mga plaque pinirmahan ni Gobernador Edwin “Kuya Gov” Jubahib, Chief of Hospital Dr. Catherine Valera, ug Provincial Economic Enterprise Development Officer Dennis Devilleres.
Gihatagan usab ogGawad Pagkilalaang LGU Kapalong isip pagpasalamat sa suporta niini sa operasyon ug mga programa sa ospital.
Sa mensahe nga gipadala pinaagi sa mga representante, gidayeg ni Gobernador Jubahib ug Bise Gobernadora Clarice Jubahib ang mga healthcare workers ug giila ang ilang papel sa pagpalig-on sa serbisyo sa panglawas. Giawhag sa gobernador ang tanang kawani nga magtinabangay, magpakita og mas taas nga pagsabot sa mga pasyente, ug molihok uban sa integridad.
“Let us work together to maintain an environment that supports good health,” sulti ni Kuya Gov pinaagi sa iyang Executive Assistant Emelio Baguio.
Samtang, gipabibo ang pagsaulog tungod sa aktibong partisipasyon sa mga nurses ug doctors nga nipakita sa ilang talent ug kadasig sa Search for Mr. and Ms. DDNH-KZ 2025.
Writer: Lorna TripoliPhotographer: Jaque May Lacsama, PICKMO Intern
